"Тоттенхэм" бош мураббийи Томас Франк Чемпионлар лигасида Дортмунднинг "Боруссия"сига қарши ўйин олдидан асосий таркиб футболчилари сони камлиги ҳақида шикоят қилди.
Унинг сўзларига кўра, дарвозабонларни ҳисобга олмаганда, мураббийлар штаби ихтиёрида атиги 11 нафар футболчи қолган.
"Асосий таркибдан ихтиёримизда бор-йўғи 11 нафар майдон ўйинчиси бор. Улардан бири — Хави Симонс. У машғулот ўтказмади, аммо психологик барқарорлиги туфайли оғриққа қарамай эртага ўйнайди", — дея мутахассис сўзларини УЕФА матбуот хизмати келтирди.
Франк рақиб кучли эканини, айниқса Германия Бундеслигасида иккинчи ўринни эгаллаб турганини таъкидлади. Шу билан бирга, "Тоттенхэм" сўнгги учта уй ўйинида кетма-кет гол ўтказмаётганини қайд этди. Бу жиҳатни дортмундликлар бош мураббийи Нико Ковач ҳам алоҳида таъкидлаган.
