"Tottenxem" bosh murabbiyi Tomas Frank Chempionlar ligasida Dortmundning "Borussiya"siga qarshi o‘yin oldidan asosiy tarkib futbolchilari soni kamligi haqida shikoyat qildi.
Uning so‘zlariga ko‘ra, darvozabonlarni hisobga olmaganda, murabbiylar shtabi ixtiyorida atigi 11 nafar futbolchi qolgan.
"Asosiy tarkibdan ixtiyorimizda bor-yo‘g‘i 11 nafar maydon o‘yinchisi bor. Ulardan biri — Xavi Simons. U mashg‘ulot o‘tkazmadi, ammo psixologik barqarorligi tufayli og‘riqqa qaramay ertaga o‘ynaydi", — deya mutaxassis so‘zlarini UEFA matbuot xizmati keltirdi.
Frank raqib kuchli ekanini, ayniqsa Germaniya Bundesligasida ikkinchi o‘rinni egallab turganini ta’kidladi. Shu bilan birga, "Tottenxem" so‘nggi uchta uy o‘yinida ketma-ket gol o‘tkazmayotganini qayd etdi. Bu jihatni dortmundliklar bosh murabbiyi Niko Kovach ham alohida ta’kidlagan.
