"Интер" бош мураббийи Кристиан Киву Чемпионлар лигасининг умумий босқичи 7-тур доирасидаги бугунги рақиб — "Арсенал" ҳақида илиқ фикр билдирди.
Румин мутахассис ҳозирги пайтда "Арсенал"ни Европадаги энг кучли икки жамоадан бири деб ҳисоблайди.
"Биз Европадаги энг кучли жамоалардан бирига қарши ўйнаймиз. Уларда аниқ ўйин услуби бор ва улар доимий равишда ўсиб бормоқда. Ҳозир Европада энг кучли жамоалар — "Арсенал" ва "Бавария". Бироқ биз ўзимиз нималарга қодир эканимизни ҳам яхши биламиз", — дея Кивунунг сўзларини УЕФА клуб матбуот хизмати келтирди.
Унинг таъкидлашича, "Интер" ушбу баҳсга фақат ғалаба учун майдонга тушади.
Олти турдан кейин "Интер" 12 очко билан турнир жадвалида 6-ўринни эгаллаб турибди. "Арсенал" эса 18 очко билан Чемпионлар лигасида пешқадам бўлиб турибди.
