"ПСЖ" бош мураббийи Луис Энрике Марокаш терма жамоаси аъзоси Браим Диаснинг Сенегалга қарши ўйинда (0:1) пенальтидан гол ура олмагани ҳақида гапирди.

"Ҳамма Браим ҳақида гапиради. Лекин мен Зиданни эслайман. Зидан - футбол Худоси. Жаҳон чемпионати финалида ҳам шундай қилди. Муҳим ўйинда "паненка" қилган Серхио Рамосни ҳам эслайман.

Кўпчилик ўйинчилар шундай қилишади. Бундай пенальтиларни урганингда ҳамма қарсак чалади ва ҳеч ким ҳеч нарса демайди. Агар ўйинчи муваффақиятсизликка учраса, кўпчиликда ёмон таассурот пайдо бўлади.

Браим - ажойиб ўйинчи. Мен уни биламан. Мен уни Испания терма жамоасига таклиф қилгандим. У ажойиб ўйинчи ва ажойиб инсон. Бу адолатдан эмас. Бунга кўникиш қийинлигини тушунишим мумкин. Бу ғалаба қозониш ва мағлуб бўлиш мумкинлигини кўрсатиш керак бўлган спорт тури.

Ҳечқиси йўқ. Ютсангиз ҳам, ютқизсангиз ҳам ҳеч нарса бўлмайди. Асосийси, сиз ёшларга кўрсата оладиган қадриятлардир. У қотил ҳам, ёвуз ҳам эмас. Ҳурмат билан муносабатда бўлиш керак", - деди Энрике.