"Лацио" бош мураббийи Маурицио Сарри А Серия 21-туридан ўрин олган "Комо"га (0:3) қарши ўйиндаги йирик мағлубият ҳақида фикр билдирди.
"Бу мағлубият аламли, бу ўйинни унутишни билиш керак. Икки жамоа ўртасида техник фарқ бор, лекин биз уни яхшироқ яширишимиз мумкин эди.
Бу ўйин учун йиғламоқдан фойда йўқ. Иккинчи дақиқадаёқ гол ўтказиб юбордик, "Комо"дек жамоага қарши ўйинда қийин бўляпти. Биринчи бўлимда ёмон ўйнамадик, "Лацио"нинг ҳалокатли ўйинини кўрмадим, аммо улар уч марта жарима майдонига кириб, иккита гол ва пенальти тепишди. Ҳисоб 2:0 бўлганида ўйинни очиш имкониятига эга бўлдик, аммо учинчи голдан кейин ўйин якунланди", - дея хулоса қилди Сарри.
Айни вақтда "Лацио" А Серия турнир жадвалида 28 очко билан 9-ўринда бормоқда.
