"Манчестер Сити" ярим ҳимоячиси Бернарду Силва жорий мавсум якунларига кўра Англия Премьер-лигаси клубини тарк этишга қарор қилди. Бу ҳақда Х ижтимоий тармоғидаги El Chiringuito TV аккаунти хабар берди.
Силва "шаҳарликлар" сафида 2017 йилдан буён тўп тепиб келмоқда. Бу вақт ичида у клуб сафида барча мусобақаларда 437 та ўйин ўтказиб, 73 та гол урган ва 76 та голли узатмани амалга оширган. Хосеп Гвардиола қўл остида футболчи жами 18та совринни қўлга киритган, улар орасида олтита АПЛ чемпионлиги ва Чемпионлар Лигаси кубоги бор.
Жорий мавсумда португалиялик "Манчестер Сити" сафида 30 та ўйинда майдонга тушиб, гол+пас тизимида 1+3 кўрсаткичга эришди. Унинг шартномаси 2026 йилнинг ёзида якунига етади. Transfermarkt портали футболчини 27 млн еврога баҳоламоқда.
