"Manchester Siti" yarim himoyachisi Bernardu Silva joriy mavsum yakunlariga ko‘ra Angliya Premyer-ligasi klubini tark etishga qaror qildi. Bu haqda X ijtimoiy tarmog‘idagi El Chiringuito TV akkaunti xabar berdi.
Silva "shaharliklar" safida 2017 yildan buyon to‘p tepib kelmoqda. Bu vaqt ichida u klub safida barcha musobaqalarda 437 ta o‘yin o‘tkazib, 73 ta gol urgan va 76 ta golli uzatmani amalga oshirgan. Xosep Gvardiola qo‘l ostida futbolchi jami 18ta sovrinni qo‘lga kiritgan, ular orasida oltita APL chempionligi va Chempionlar Ligasi kubogi bor.
Joriy mavsumda portugaliyalik "Manchester Siti" safida 30 ta o‘yinda maydonga tushib, gol+pas tizimida 1+3 ko‘rsatkichga erishdi. Uning shartnomasi 2026 yilning yozida yakuniga yetadi. Transfermarkt portali futbolchini 27 mln yevroga baholamoqda.













