"Челси" ўз таркибида ҳимоячи Рис Жеймсни сақлаб қолмоқчи. Бу ҳақда инсайдер Krrish хабар берди.
Манбага кўра, Лондон клуби футболчининг агентлари билан 2032 йилнинг ёзига қадар (яна бир мавсумга узайтириш имконияти билан) янги шартнома имзолаш масаласини муҳокама қилиш учун учрашув белгилаган. Учрашув февраль ойининг биринчи ҳафтасига режалаштирилган.
"Челси" ўз сардорини жуда қадрлайди, футболчининг ўзи эса қадрдон клубини яхши кўради ва бошқа жамоаларнинг таклифларига қарамай, уни тарк этмоқчи эмас. Жеймс келаси мавсум бошлангунига қадар янги шартнома имзолашни режалаштирмоқда.
Эслатиб ўтамиз, ҳимоячининг "Челси" билан амалдаги келишуви 2028 йилнинг 30 июнига қадар мўлжалланган.
