Мадриднинг "Реал" клуби дарвозабони Тибо Куртуа жамоадаги мураббийлар алмашинувидан кейин нималар ўзгаргани ҳақида гапириб берди. Икки ҳафтадан камроқ вақт олдин Хаби Алонсо "қаймоқранглилар" бошқарувчиси лавозимидан бўшатилганди - ўшанда унинг ўрнини Альваро Арбелоа эгаллаганди.
- Арбелоа билан Алонсо ўртасидаги фарқ? Менимча, фарқлар унчалик кўп эмас, лекин ҳар бир мураббийнинг ўз ёндашуви бор, баъзи деталлар ўзгариши муқаррар. Балки ҳозир ҳаммаси яхши кетаётгандир," - дея Куртуанинг ўйиндан кейинги интервьюсидан иқтибос келтиради испан ОАВ.
"Реал" шанба куни Ла Лига доирасида сафарда "Вильярреал"ни мағлуб этди (2:0). Янги мураббий қўл остидаги тўртта ўйинда Мадрид гранди учта ғалабага эришди.
