Мадриднинг «Реал» клуби «Бетис»нинг бразилиялик марказий ҳимоячиси Натанга қизиқиш билдирмоқда. Шунингдек, футболчига «Челси» ва «Ньюкасл» клублари ҳам эътибор қаратмоқда. Севилья клуби ҳимоячи учун € 40 млндан € 50 млнгача бўлган нарх белгилаган. Бу ҳақда журналист Экрем Конур X ижтимоий тармоғида хабар берди.

Футболчининг жамоа билан шартномаси 2030 йил июнигача амал қилади. Жорий мавсумда Натан барча мусобақаларда 27 та учрашувда иштирок этиб, битта голли узатма билан ажралиб турди. Transfermarkt маълумотларига кўра, ҳимоячининг бозор қиймати € 20 млнни ташкил этади.

Испания чемпионатининг 21-туридан кейин «Реал» турнир жадвалида иккинчи ўринда бормоқда — жамоа ҳисобида 51 очко бор. Жамоа пешқадам «Барселона»дан бир очко ортда қолмоқда. «Бетис» эса 32 очко билан олтинчи поғонада жойлашган.