"Барселона" бош мураббийи Ханс-Дитер Флик ҳимоячи Андреас Кристенсеннинг жароҳати ҳақида фикр билдирди. Декабрь ойида даниялик тиззасидан жиддий жароҳат олганди.
- Унинг жароҳати билан боғлиқ вазият муваффақиятсиз бўлди, чунки у ажойиб формада эди ва топ-даражада ўйнаётганди, бизга кўплаб вариантлар берди. Машғулотдаги жароҳат жамоа учун ҳам, мураббийлар штаби учун ҳам зарба бўлди. У қайтади ва ишончим комилки, мавсумни яхши якунлай олади," - деди Флик сешанба кунги матбуот анжуманида.
"Барселона" Испания чемпионати турнир жадвалида "Реал"ни икки очкога ортда қолдириб, пешқадамлик қилмоқда. Каталонияликлар навбатдаги ўйинни 28 январь куни Чемпионлар лигаси доирасида "Копенгаген"га қарши ўтказади.
