"Barselona" bosh murabbiyi Xans-Diter Flik himoyachi Andreas Kristensenning jarohati haqida fikr bildirdi. Dekabr oyida daniyalik tizzasidan jiddiy jarohat olgandi.
- Uning jarohati bilan bog‘liq vaziyat muvaffaqiyatsiz bo‘ldi, chunki u ajoyib formada edi va top-darajada o‘ynayotgandi, bizga ko‘plab variantlar berdi. Mashg‘ulotdagi jarohat jamoa uchun ham, murabbiylar shtabi uchun ham zarba bo‘ldi. U qaytadi va ishonchim komilki, mavsumni yaxshi yakunlay oladi," - dedi Flik seshanba kungi matbuot anjumanida.
"Barselona" Ispaniya chempionati turnir jadvalida "Real"ni ikki ochkoga ortda qoldirib, peshqadamlik qilmoqda. Kataloniyaliklar navbatdagi o‘yinni 28 yanvar kuni Chempionlar ligasi doirasida "Kopengagen"ga qarshi o‘tkazadi.
