"Бавария" бош мураббийи Венсан Компани Чемпионлар Лигасининг 8-турида Нидерландиянинг ПСВ клубига қарши бўлиб ўтадиган ўйинда ротация масаласига ойдинлик киритди.
Мюнхен гранди умумий босқичнинг сўнгги тур учрашувидан олдин 1/8 финалга тўғридан-тўғри йўлланмани қўлга киритди.
"Кейн ва бошқа асосий футболчилар ўйнайдими? Тиғиз тақвим шароитида қарорлар ўйиндан олдин қабул қилинади, шунинг учун эртага ўйлаб кўраман. Мен ПСВни 100% ҳурмат қиламан ва қийин бўлишини биламан. Гап фақат Харрининг ўзида эмас. Прессингнинг сифати энергияга ҳам боғлиқ - "Аугсбург" билан ўйиндаги муаммомиз шу эди. Қарор эртага қабул қилинади, аммо мен ғалаба қозонишни истайман, бунга шубҳа бўлиши мумкин эмас," - дея Компанининг сўзларини келтиради Bayern & Germany.
