"Астон Вилла" клуби матбуот хизмати "Ювентус" ярим ҳимоячиси Дуглас Луисни ижарага олганини эълон қилди.

Бразилиялик футболчининг ижара шартномаси жорий мавсум охиригача мўлжалланган. Хавбек 2019 йилдан 2024 йилгача "Астон Вилла" шарафини ҳимоя қилган. Ҳаммаси бўлиб у "шерлар" сафида барча мусобақаларда 204 та ўйин ўтказиб, 22 та гол урган ва 24 та голли узатмани амалга оширган. 2021 йилнинг ёзида ярим ҳимоячи "Ювентус"га 51 миллион еврога сотилганди.

Дуглас Луиснинг туринликлар билан амалдаги шартномаси 2029 йилнинг 30 июнига қадар имзоланган. Мавсумнинг биринчи ярмида бразилиялик футболчи "Ноттингем" сафида 14 та ўйинда майдонга тушди ва битта голли узатмани амалга оширди.