"Ливерпуль" сардори Виржил ван Дейк Чемпионлар лигаси рекордчисига айланди. Чоршанба куни 34 ёшли футболчи "қизиллар"га умумий босқичнинг сўнгги турида "Қорабоғ" устидан йирик ҳисобда ғалаба қозонишга ёрдам берди (6:0) ва учта голли узатмани амалга оширди. WhoScored хабарига кўра, нидерландиялик футболчи Чемпионлар лигаси тарихида биринчи бўлиб турнирнинг бир ўйинида учта голли узатмани амалга оширган марказий ҳимоячига айланди.
"Ливерпуль" очколарини 18тага етказиб, 3-ўрин билан 1/8 финалга йўл олди. Футбол бўйича Англия Премьер Лигасининг 24-турида Арне Слот жамоаси 31 январь, шанба куни ўз майдонида "Ньюкасл"га қарши баҳс олиб боради.
