Мадриднинг "Атлетико" клуби устози Диего Симеоне Европа Чемпионлар Лигаси умумий босқичининг 8-туридан ўрин олган Норвегиянинг "Буде-Глимт" жамоасига қарши ўйиндан сўнг ўз фикрларини билдириб ўтди. "Матрасчилар" сенсацион тарзда скандинавларга 1:2 ҳисобида имкониятни бой берди.
"Улар ҳимояда ҳам, ҳужумда ҳам ажойиб ўйнашди. Биз бу ўйинни чемпионатдаги ўйиндан бир неча кун ўтиб ўтказдик, шогирдларим максимал даражада ҳаракат қилишди. Уларга таъна қилолмайман. Ҳали ҳаммаси олдинда, натижалар келади", - дея мутахассиснинг сўзларини келтиради Marca газетаси.
"Атлетико" 13 очко жамғариб, Чемпионлар лигаси умумий турнир жадвалида 14-ўринни эгаллади.
