Франциянинг "Марсель" клуби бош мураббийи Роберто Де Дзерби шогирдлари Чемпионлар лигасини тарк этгач, ўз фикрини билдириб ўтди. Жамоа мусобақанинг умумий босқич сўнгги турида Бельгиянинг "Брюгге" жамоасига 0:3 ҳисобида имкониятни бой берди.
"Мағлубият ҳаққоний. "Брюгге" футболчилари кучли бошлашини билардик, уларни ўргандик. Аммо ўйинни ноль тезликда бошладик ва икки марта гол ўтказиб юбордик. Бизда вазиятлар бўлди, аммо улардан фойдалана олмадик", - дея мураббийнинг сўзларини келтиради France 24.
"Бенфика" Мадриднинг "Реал" клубига қарши ўйиннинг 98-дақиқасида гол уриб, "Марсель"ни 24-поғонадан 25-ўринга тушириб юборди.
"Биз кийиниш хонасида бўлган пайтимизда плей-офф йўлланмаси йўқотилди. Бўлиб ўтган воқеа мавсумнинг қолган қисмига таъсир қиладими? Мен нима бўлишини ва бу кейинги ўйинларимизда акс этадими ёки йўқ, билмайман. Аммо бу барчамиз учун жуда муваффақиятсиз ўйин. Барқарорликнинг йўқлиги доимий муаммо. Бу менинг вазифам."
