Fransiyaning "Marsel" klubi bosh murabbiyi Roberto De Dzerbi shogirdlari Chempionlar ligasini tark etgach, o‘z fikrini bildirib o‘tdi. Jamoa musobaqaning umumiy bosqich so‘nggi turida Belgiyaning "Bryugge" jamoasiga 0:3 hisobida imkoniyatni boy berdi.
"Mag‘lubiyat haqqoniy. "Bryugge" futbolchilari kuchli boshlashini bilardik, ularni o‘rgandik. Ammo o‘yinni nol tezlikda boshladik va ikki marta gol o‘tkazib yubordik. Bizda vaziyatlar bo‘ldi, ammo ulardan foydalana olmadik", - deya murabbiyning so‘zlarini keltiradi France 24.
"Benfika" Madridning "Real" klubiga qarshi o‘yinning 98-daqiqasida gol urib, "Marsel"ni 24-pog‘onadan 25-o‘ringa tushirib yubordi.
"Biz kiyinish xonasida bo‘lgan paytimizda pley-off yo‘llanmasi yo‘qotildi. Bo‘lib o‘tgan voqea mavsumning qolgan qismiga ta’sir qiladimi? Men nima bo‘lishini va bu keyingi o‘yinlarimizda aks etadimi yoki yo‘q, bilmayman. Ammo bu barchamiz uchun juda muvaffaqiyatsiz o‘yin. Barqarorlikning yo‘qligi doimiy muammo. Bu mening vazifam."
