«Бенфика» бош мураббийи Жозе Моуриньо Мадриднинг «Реал» клуби марказий ҳимоячиси Дин Хёйсен билан нималар ҳақида гаплашганини очиқлади.

Чоршанба куни португалиялик мутахассис жамоаси «қаймоқранглилар»ни 4:2 ҳисобида мағлуб этиб, Чемпионлар лигаси плей-офф босқичига чиқди.

«Хёйсен билан суҳбат? Дин аввал менинг қўлим остида “Рома”да ўйнаган, у болаларим билан дўст. Орамизда яхши муносабат бор, ўйин ҳақида гаплашдик. У жуда хафа эди, мен эса унга: “Сен омадлисан, икки гол фарқи билан ютқаздинг, ҳисоб янада йирик бўлиши ҳам мумкин эди”, дедим», — дея Моуриньонинг сўзларини келтиради Испания ОАВ.