"Манчестер Юнайтед"нинг собиқ футболчиси Рио Фердинанд клубдаги муаммолар ҳақида гапирди. Фердинанднинг сўзларига кўра, сэр Алекс Фергюсондан кейинги даврда фақат учта ўйинчи ишончни оқлаган.
"Алекс Фергюсон кетганидан бери клубга 49 нафар футболчи келди. Ўйлашимча, улардан фақат учтаси ишончни оқлади - Ибраҳимович, Роналду ва Бруну Фернандеш," - дея Фердинанднинг сўзларини келтиради The Touchline.
Алекс Фергюсон 2013 йилда нафақага чиққан эди. Шотландиялик футболчи кетишидан олдин "Манчестер Юнайтед"га Премьер-лига чемпионлигини олишда бошчилик қилганди. Ўшандан буён "қизил иблислар" бирор марта Англия чемпионлигини қўлга киритмаган.
