Лондоннинг "Арсенал" клуби ярим ҳимоячиси Микель Мерино жароҳати ҳақида гапирди. Якшанба оқшомида маълум бўлишича, 29 ёшли футболчи операция қилиниши керак - у "Манчестер Юнайтед"га қарши ўйинда оёғидан жароҳат олган.
"Жароҳат туфайли тўхташ керак. Баъзида ҳаёт синовларни энг ноқулай пайтда ташлайди, лекин мен учун бу куч, матонат ва қийинчиликларни енгиш қобилиятини намоён этиш имкониятидир. Бизда энг яхши тиббий штаб бор, мен кучлироқ бўлиб қайтаман.
Ҳаммага раҳмат. Сизнинг қўллаб-қувватлашингиз мен учун катта аҳамиятга эга. Жамоага яна ёрдам бериш ва севимли ишим билан шуғулланиш учун майдонга қайтишни интиқлик билан кутяпман," - деб ёзди Мерино ижтимоий тармоқдаги саҳифасида.
Испаниялик футболчининг тикланиши бир неча ой давом этиши тахмин қилинмоқда.
