Londonning "Arsenal" klubi yarim himoyachisi Mikel Merino jarohati haqida gapirdi. Yakshanba oqshomida ma’lum bo‘lishicha, 29 yoshli futbolchi operasiya qilinishi kerak - u "Manchester Yunayted"ga qarshi o‘yinda oyog‘idan jarohat olgan.

"Jarohat tufayli to‘xtash kerak. Ba’zida hayot sinovlarni eng noqulay paytda tashlaydi, lekin men uchun bu kuch, matonat va qiyinchiliklarni yengish qobiliyatini namoyon etish imkoniyatidir. Bizda eng yaxshi tibbiy shtab bor, men kuchliroq bo‘lib qaytaman.

Hammaga rahmat. Sizning qo‘llab-quvvatlashingiz men uchun katta ahamiyatga ega. Jamoaga yana yordam berish va sevimli ishim bilan shug‘ullanish uchun maydonga qaytishni intiqlik bilan kutyapman," - deb yozdi Merino ijtimoiy tarmoqdagi sahifasida.

Ispaniyalik futbolchining tiklanishi bir necha oy davom etishi taxmin qilinmoqda.