Италия терма жамоаси бош мураббийи Чезаре Пранделли Аргентинага қарши ўртоқлик учрашуви олдидан таркибни эълон қилди. Бу ҳақда "Football Italia" хабар бермоқда.

Пранделли Италия ёшлар терма жамоасидан "Наполи" ҳужумчиси Лоренцо Инсинье ва "ПСЖ" яримҳимоячиси Марко Верраттини ҳам йиғинга жалб қилгани эътиборга молик.

Умуман олганда, Европа вице-чемпионлари таркиби 27 ўйинчидан иборат: дарвозабонлар Буффон ("Ювентус"), Маркетти ("Лацио"), Сиригу ("ПСЖ"); ҳимоячилар Антонелли ("Женоа"), Астори ("Кальяри"), Барцальи, Бонуччи, Кьеллини (барчаси – "Ювентус), Де Сильвестри ("Сампдория"), Маджо ("Наполи"), Раноккья ("Интер"); яримҳимоячилар Аквилани ("Фиорентина"), Кандрева ("Лацио"), Черчи ("Торино"), Де Росси, Флоренци (иккаласи – "Рома"), Жаккерини ("Сандерленд"), Маркизио, Пирло (иккаласи – "Ювентус"), Диаманти ("Болонья"), Верратти ("ПСЖ"); ҳужумчилар Балотелли, Эль-Шаарави (иккаласи – "Милан"), Жилардино ("Женоа"), Инсинье ("Наполи"), Освальдо ("Рома").