"Арсенал" бош мураббийи Микель Артета ўз жамоасининг Англия лига кубоги финалига чиққани ҳақида фикр билдирди. "Тўпчилар" ярим финалда "Челси"ни мағлуб этишга муваффақ бўлишди — ўйинлар "Арсенал"нинг 3:2 ва 1:0 ҳисобидаги ғалабалари билан якунланди.
"Якун жуда ажойиб бўлди. Биз ҳақиқий жанг кутиб турганини тушунган эдик. Бардошлилигимиз ва майдонда айнан қандай ҳаракат қилиш кераклигини аниқ билишимиз... Буларнинг барчаси аъло даражада бажарилди. Ўз уйимиздаги муҳит ўзига хос эди — бу жуда муҳим. Биз бу ерга етиб келиш учун бир неча йил кутдик ва энди финалдан албатта завқ оламиз", — дея Артетанинг сўзларини келтирмоқда ВВС.
Мусобақа финали 22 март куни Лондондаги "Уэмбли" стадионида бўлиб ўтади. Ушбу ўйинда "Арсенал" жамоаси "Манчестер Сити" ва "Ньюкасл Юнайтед" қарама-қаршилиги ғолиби билан тўқнаш келади.
