«Челси» ёзги трансфер ойнасида «Реал» ҳужумчиси Эндрикни сотиб олиш учун ҳамма нарсага тайёр. Бу ҳақда Topskills Sport UK нашри хабар бермоқда.
Манбанинг маълумотларига кўра, бразилиялик футболчи «кўклар»нинг асосий трансфер мақсади ҳисобланади. Лондон клуби Эндрикдан қанотда эмас, балки марказий ҳужумчи позициясида фойдаланишни режалаштирмоқда.
Қайд этилишича, ҳозирча «Челси» раҳбарияти «Реал»га расмий таклиф юборишга шошилмаяпти. Бироқ «кўклар» бразилиялик иқтидор эгаси учун 70–80 миллион евро таклиф қилишлари мумкин.
