Хосеп Гвардиола ўз олдига катта мақсад қўйган. Испаниялик мутахассис "Манчестер Сити" билан яна бир бор Чемпионлар Лигасида ғолиб чиқмоқчи. Клуб раҳбарияти Гвардиоланинг "қулоқли кубок"ни қўлга киритишга бўлган интилишидан хабардор, айнан шу сабабли "шаҳарликлар" ёзги ва қишки трансферларга катта маблағ ажратдилар.
Агар "Манчестер Сити" жорий мавсумда Чемпионлар Лигасида зафар қучса, Хосеп Гвардиола клуб футболидан кетишини эълон қилади. Бу ҳақда "The Touchline" нашри хабар бермоқда.
Аввалроқ Гвардиола уч марта Чемпионлар Лигасида ғолиб чиққан — "Барселона" (2009, 2011) ва "Манчестер Сити" (2023) билан.
"Манчестер Сити" навбатдаги ўйинини 8 февраль куни сафарда "Ливерпуль"га қарши ўтказади.
