Xosep Gvardiola o‘z oldiga katta maqsad qo‘ygan. Ispaniyalik mutaxassis "Manchester Siti" bilan yana bir bor Chempionlar Ligasida g‘olib chiqmoqchi. Klub rahbariyati Gvardiolaning "quloqli kubok"ni qo‘lga kiritishga bo‘lgan intilishidan xabardor, aynan shu sababli "shaharliklar" yozgi va qishki transferlarga katta mablag‘ ajratdilar.
Agar "Manchester Siti" joriy mavsumda Chempionlar Ligasida zafar quchsa, Xosep Gvardiola klub futbolidan ketishini e’lon qiladi. Bu haqda "The Touchline" nashri xabar bermoqda.
Avvalroq Gvardiola uch marta Chempionlar Ligasida g‘olib chiqqan — "Barselona" (2009, 2011) va "Manchester Siti" (2023) bilan.
"Manchester Siti" navbatdagi o‘yinini 8 fevral kuni safarda "Liverpul"ga qarshi o‘tkazadi.
