Ҳужумчи Маркус Рэшфорд Каталониянинг «Барселона» клубида қолиши мумкин. Шу муносабат билан «Манчестер Юнайтед» инглиз футболчисига ўринбосар қидиришни бошлади.
«Teamtalk» берган маълумотларга кўра, «қизил иблислар»нинг қизиқишлари доирасида икки нафар футболчи бор. Гап «РБ Лейпциг» вингери Ян Диоманде ҳақида кетмоқда, унинг нархи 100 миллион еврони ташкил этади. Иккинчи номзод эса «Эвертон» форварди Илиман Ндиайе бўлиб, унинг бозор қиймати 45 миллион еврога баҳоланмоқда.
Рэшфорд ушбу мавсумни ижара асосида «Барселона»да ўтказмоқда. «Кўк-анорранглилар» футболчини 30 миллион евро эвазига сотиб олиш ҳуқуқига эга.
