Hujumchi Markus Reshford Kataloniyaning «Barselona» klubida qolishi mumkin. Shu munosabat bilan «Manchester Yunayted» ingliz futbolchisiga o‘rinbosar qidirishni boshladi.

«Teamtalk» bergan ma’lumotlarga ko‘ra, «qizil iblislar»ning qiziqishlari doirasida ikki nafar futbolchi bor. Gap «RB Leypsig» vingeri Yan Diomande haqida ketmoqda, uning narxi 100 million yevroni tashkil etadi. Ikkinchi nomzod esa «Everton» forvardi Iliman Ndiaye bo‘lib, uning bozor qiymati 45 million yevroga baholanmoqda.

Reshford ushbu mavsumni ijara asosida «Barselona»da o‘tkazmoqda. «Ko‘k-anorranglilar» futbolchini 30 million yevro evaziga sotib olish huquqiga ega.