Альваро Арбелоа деярли бир ой олдин "Реал"ни қабул қилиб олганди. Журналистлар бу даврда мутахассис сезиларли даражада озганини пайқашди. Ижтимоий тармоқларда Арбелоа 13 январь ва 8 февраль кунлари берган матбуот анжуманларидан олинган суратлар тарқалмоқда. Ҳатто оддий кўз билан ҳам Альваронинг вазни неча килограммга камайганини кўриш мумкин.
Арбелоанинг озиши стресс билан боғлиқ бўлиши эҳтимолдан холи эмас - барибир "Реал"да ишлаш психологик жиҳатдан оғир. Аммо мураббий онгли равишда бир неча килограмм вазн ташлашга қарор қилганини истисно қилмаслик керак.
"Реал" якшанба куни сафарда "Валенсия"ни 2:0 ҳисобида мағлуб этди. Мадридликлар Ла Лига турнир жадвалида "Барселона"дан 1 очко ортда қолмоқда.
