"Тоттенхэм" мухлислари ёмон натижалари туфайли мураббий Томас Франкни мунтазам равишда ҳақорат қилишади - "Тоттенхэм" Премьер-лига турнир жадвалида атиги 15-ўринда.
Бироқ, менежер мухлислардан жамоани қўллаб-қувватлашни сўради.
"Мухлисларми? Айтишим мумкинки, бизга улар жуда керак. Ишлар биз хоҳлагандек кетмаётганида, мухлисларнинг қўллаб-қувватлашига янада кўпроқ эҳтиёж сезамиз.
Шунинг учун эртага жамоани мухлислар қўллаб-қувватлаши жуда муҳим. Албатта, бунинг учун биз бирор нарса кўрсатишимиз керак. Агар мухлислар югурадиган, курашадиган жамоани кўришса, ўша сеҳрли онлар туғилади", деди Франк матбуот анжуманида.
