Руминия терма жамоаси бош мураббийи Мирча Луческу шифохонани тарк этди, дея хабар бермоқда "Fanat1k" нашри.

Якшанба куни, 9 февраль ҳолатига кўра, 80 ёшли мутахассис тўлиқ тиббий кўрикдан ўтди. Текширувлар якунида шифокорлар унга уйига кетишга рухсат беришди — барча таҳлиллар аъло натижаларни кўрсатди.

Кутилишича, Луческу яқин вақт ичида ўз ишига қайтади ва миллий жамоани 26 март кунига белгиланган Туркия терма жамоасига қарши Жаҳон чемпионати-2026 саралаши доирасидаги ўтиш ўйинига тайёрлашни давом эттиради.

Эслатиб ўтамиз, 80 ёшли Луческу январь ойи охирида соғлиғи ёмонлашгани ва юрагидаги муаммолар сабабли Руминияда зудлик билан шифохонага ётқизилган эди.