Италия терма жамоаси ва "Ньюкасл" ярим ҳимоячиси Сандро Тонали фаолиятини Ла Лигада давом эттириши мумкин. Унинг хизматларига Мадриднинг "Реал" клуби жиддий қизиқиш билдирмоқда.
"Tuttojuve" нашрининг хабарига кўра, "қироллик клуби" хавбекни ёзги трансфер ойнасида ўз сафига қўшиб олишни режалаштирмоқда. "Қаймоқранглилар" ушбу келишув учун 75 миллион евро ажратишга тайёр.
Аввалроқ, Сандрога Лондоннинг "Арсенал" ва "Манчестер Сити" клублари ҳам қизиқиш билдираётгани ҳақида хабарлар тарқалган эди.
Англия чемпионатининг жорий мавсумида 25 ёшли италиялик футболчи 25 та ўйинда майдонга тушиб, битта голли узатмани амалга оширди ва учта сариқ карточка олди. Унинг "қарғалар" билан амалдаги шартномаси 2028 йилнинг ўрталарига қадар мўлжалланган.
