"Ал-Иттиҳод" афсонаси Муҳаммад Нур Карим Бенземанинг яқинда "Ал-Ҳилол"га ўтганини кескин танқид қилди. "Олтин тўп" соҳиби янги шартнома бўйича келишмовчиликлар туфайли "Ал-Иттиҳод"ни тарк этган эди.
Нур ўз норозилигини шундай ифодалади:
"Бенземанинг шартномаси 2026 йил 30 июнда якунига етарди, "Ал-Иттиҳод" унга узайтиришнинг иккита вариантини таклиф қилди, аммо у вақтни пайсалга солди. Карим "Ал-Иттиҳод" раҳбариятининг хабарисиз "Ал-Ҳилол" билан олдиндан келишиб олган, кейин эса ўзига ишонган раҳбариятга босим ўтказган — лекин у индамаган, чунки "Ал-Ҳилол" билан ҳамма нарса ҳал бўлиб бўлган эди.
У "Ал-Иттиҳод"дан жуда хунук тарзда кетди. Наҳотки уни қўллаб-қувватлаган ва исмини ҳайқириб айтган мухлислар лоақал "раҳмат" дейишига лойиқ бўлмаса? Клуб эмас, унинг ўзи ютқазди".
