"Ливерпуль" бош мураббийи Арне Слот сешанба кунги матбуот анжуманида ҳимоячи Жо Гомеснинг ҳолати ҳақидаги саволга жавоб берди. Футболчи жароҳати сабабли жамоанинг сўнгги ўйинларини ўтказиб юборган эди.
"Жо ҳали биз билан машғулотларда қатнашмади. Бугун у илк машғулотини ўтказишини кутяпман. Агар Гомес майдонга туша олмаса, бизда ушбу позицияда ўйнаган тўрт нафар футболчи сафдан чиққан бўлади. Аммо Жонс ва Эндо аввалроқ бу ерда ўйнашган, шу боис бу мавсумда ўнг қанот ҳимоясида олти хил ўйинчини синаб кўрдик", — деди Слот журналистларга.
Чоршанба куни, 11 февраль куни "Ливерпуль" АПЛ доирасида сафарда "Сандерленд"га қарши баҳс олиб боради.
