«Борнмут»нинг испаниялик ҳимоячиси Алекс Хименес Мадриднинг «Реал» клубига қайтиш нияти борлигини тан олди.
«Ҳозирда бор эътиборим «Борнмут»га қаратилган. Аммо келажакда, албатта, Мадриднинг «Реал» клубига қайтишни истардим. Бу менинг уйим, мен «Реал»да ҳамма нарсани ўрганганман», — дея Хименеснинг сўзларини «Mundo Deportivo» газетаси келтирмоқда.
20 ёшли Хименес — «Реал» тарбияланувчиси ҳисобланади. У 2024 йилда «қаймоқранглилар» сафини тарк этган ва асосий жамоада бирор марта майдонга тушмаган эди. Жорий мавсумда ҳимоячи Англия Премьер-лигаси доирасида 22 та ўйинда иштирок этиб, битта гол муаллифига айланди.
