"Бавария" келаси ёзда "Манчестер Сити" билан шартномаси якунланадиган марказий ҳимоячи Жон Стоунснинг трансфери бўйича дастлабки музокараларни бошлади. "Шаҳарликлар" 31 ёшли футболчи билан меҳнат шартномасини узайтириши даргумон. Бу ҳақда Caught Offside хабар бермоқда.
Манбага кўра, ушбу келишувда Мюнхен клуби бош мураббийи, аввал "Манчестер Сити" сардори бўлган Венсан Компани, шунингдек, Стоунзнинг ҳамюрти Харри Кейн асосий роль ўйнаши мумкин. Бундан ташқари, Стоунс Мадриднинг "Атлетико" ва "Милан" клублари билан ҳам алоқада бўлгани маълум.
Жорий мавсумда Стоунс барча мусобақаларда 13 та ўйинда майдонга тушди ва уларда гол ура олмади. Transfermarkt порталида келтирилган маълумотларга кўра, футболчининг бозор нархи 18 млн еврони ташкил этади.
