Англия Кубоги — FA Cup 4-босқичи (1/16 финал) доирасида "Ливерпуль" ҳамда "Брайтон энд Хоув Альбион" ўртасидаги учрашувда мерсисайдликлар 3:0 ҳисобида ишончли ғалабага эришди.

42-дақиқада Кёртис Жонс ҳисобни очиб, мезбонларни олдинга олиб чиқди. 56-дақиқада Доминик Собослаи жамоа устунлигини икки бараварга оширди. 68-дақиқада эса Муҳаммад Салоҳ пенальтидан аниқ фойдаланиб, учрашувга нуқта қўйди.

Маълумот учун, мусобақанинг амалдаги ғолиби — "Кристал Пэлас" бўлиб, у финалда "Манчестер Сити"ни 1:0 ҳисобида мағлуб этган эди.

Англия — FA Cup, 1/16 финал (4-босқич)
14 февраль 2026 йил. Ливерпуль. «Энфилд»
Ливерпуль — Брайтон энд Хоув Альбион — 3:0
Голлар: 1:0 — Жонс (42), 2:0 — Собослаи (56), 3:0 — Салоҳ (68, пен.)