"Ливерпуль" ярим ҳимоячиси Кёртис Жонс Англия Кубоги доирасида "Брайтон" устидан қозонилган ғалабадан сўнг (3:0) журналистлар саволларига жавоб берди.
25 ёшли футболчи учрашувнинг 42-дақиқасида ҳисобни очди. Иккинчи бўлимда эса Доминик Собослаи ва Муҳаммад Салоҳнинг аниқ зарбалари "қизиллар"нинг ғалабасини мустаҳкамлади.
"Яхши ўйин бўлди. Биз учта ажойиб гол урдик ва ўз дарвозамиздан тўп олиб чиқмадик, бундан жуда мамнунмиз. Менинг кўпроқ гол урган, аммо ҳозиргидан ёмонроқ ўйнаган вақтларим бўлган. Мен шунчаки жамоага фойда келтиришни ва ғалаба қозонишда ёрдам беришни истайман. Ярим ҳимоя марказида ўйнашни афзал кўраман, лекин ҳимоя қанотида ҳам, ҳужумда ҳам майдонга тушишга тайёрман. Ўйлашимча, сўнгги пайтларда ишларимиз анча яхшиланмоқда", — деди Жонс "TNT Sports"га берган интервьюсида.
22 февраль куни "Ливерпуль" Премьер-лига баҳсида "Ноттингем Форест" билан тўқнаш келади.
