"Liverpul" yarim himoyachisi Kyortis Jons Angliya Kubogi doirasida "Brayton" ustidan qozonilgan g‘alabadan so‘ng (3:0) jurnalistlar savollariga javob berdi.

25 yoshli futbolchi uchrashuvning 42-daqiqasida hisobni ochdi. Ikkinchi bo‘limda esa Dominik Soboslai va Muhammad Salohning aniq zarbalari "qizillar"ning g‘alabasini mustahkamladi.

"Yaxshi o‘yin bo‘ldi. Biz uchta ajoyib gol urdik va o‘z darvozamizdan to‘p olib chiqmadik, bundan juda mamnunmiz. Mening ko‘proq gol urgan, ammo hozirgidan yomonroq o‘ynagan vaqtlarim bo‘lgan. Men shunchaki jamoaga foyda keltirishni va g‘alaba qozonishda yordam berishni istayman. Yarim himoya markazida o‘ynashni afzal ko‘raman, lekin himoya qanotida ham, hujumda ham maydonga tushishga tayyorman. O‘ylashimcha, so‘nggi paytlarda ishlarimiz ancha yaxshilanmoqda", — dedi Jons "TNT Sports"ga bergan intervyusida.

22 fevral kuni "Liverpul" Premyer-liga bahsida "Nottingem Forest" bilan to‘qnash keladi.