Yaqin vaqt ichida hujumchi Entoni Gordon «Barselona» futbolchisiga aylanadi. Biroq, ingliz futbolchisining shartnoma imzolash jarayoni hujjatlarni rasmiylashtirishdagi muammolar tufayli kechikdi. Bu haqda jurnalist Alfredo Martines ijtimoiy tarmoqlarda xabar berdi.

«Kelishuv xavf ostida emas, lekin transfer jarayoni biroz cho‘ziladi va shartnoma imzolanishi yana taxminan bir soatga qoldirildi», — deb yozdi Martines.

Avvalroq, 25 yoshli Entoni Gordon klublar o‘rtasidagi kelishuvdan so‘ng tibbiy ko‘rikdan o‘tgan edi. Shuningdek, transferning moliyaviy shartlari haqida ham ma’lumotlar paydo bo‘lgandi.

Ma’lumot uchun, «Barselona» 2025/2026 yilgi mavsumda La Liga va Ispaniya Superkubogida g‘olib chiqdi.