Эртага, 16 февраль куни Қаршининг "Насаф" клуби Элит Осиё Чемпионлар лигасида сўнгги 8-тур ўйинини сафарда БААнинг "Шаржа" жамоасига қарши ўтказади.
Ушбу учрашув олдидан мусобақа расмийлари ҳамда ҳар икки жамоа вакиллари иштирокида анъанавий йиғилиш бўлиб ўтди.
Йиғилиш давомида эртанги беллашувга оид ташкилий масалалар муҳокама қилиниб, учрашув учун жамоаларнинг либос ранглари ҳам белгилаб олинди. Унга кўра, меҳмонлар — “Насаф” қизил, мезбон жамоа — “Шаржа” эса оқ рангли спорт формаларида майдонга тушади.
Баҳс Тошкент вақти билан 20:00 да старт олади.
