"Бавария" ҳимоячиси Ким Мин Же фаолиятини Англия премьер-лигасида давом эттириши мумкин. Бу ҳақда журналист Кристиан Фалк хабар бермоқда.
Манбага кўра, 29 ёшли футболчини "Челси" ва "Тоттенхэм" клублари ўз сафига қўшиб олмоқчи. "Кўклар" "Ливерпуль" олиб қўйган Жереми Жаке билан муваффақиятсизликдан кейин ҳимоя марказини мустаҳкамламоқчи. "Шпорлар"га келсак, кўп нарса ёзда келадиган янги мураббийга боғлиқ бўлади.
Бу мавсумда Ким Мин Же барча мусобақаларда 23 та ўйинда майдонга тушиб, битта гол урди ва битта голли узатмани амалга оширди.
Transfermarkt маълумотларига кўра, жанубий кореяликнинг нархи 25 миллион еврога тенг.
