Жейдон Санчо шу ёзда "Манчестер Юнайтед"ни тарк этади. Экрем Конур маълумотларига кўра, "қизил иблислар" вингер билан шартномани узайтириш имкониятини фаоллаштирмайди, шу боис футболчи ёзда эркин агент сифатида жамоани тарк этади.
Футболчини имзолашга қизиққан жамоалар қаторида "Комо", "Боруссия Дортмунд" ва ҳозирги пайтда ижара асосида ўйнаётган "Астон Вилла" бор.
Жейдон Санчо 2021 йилда "Боруссия Дортмунд"дан "Манчестер Юнайтед"га 85 миллион еврога трансфер қилинган. Сентябрда "Астон Вилла" вингерни мавсум охирига қадар ижарага олди. Ҳозирги мавсумда футболчи барча турнирларда 25 ўйинда қатнашиб, 1 та гол ва 1 та голли узатма қилган.
