Чемпионлар лигаси доирасидаги «Бенфика» ва «Реал» ўртасидаги учрашув можароли тус олди. Мадрид жамоаси ҳужумчиси Винисиус Жуниор Жанлука Престианнини ирқчиликда айблади. УЕФА мазкур ҳолат юзасидан тергов бошлади.

Энди «Реал» клуби расмий баёнот билан чиқди. Мадрид клуби пайшанба куни Лиссабонда содир бўлган воқеалар бўйича барча мавжуд далилларни УЕФАга топширганини маълум қилди. «Қаймоқранглилар» тергов жараёнида фаол ҳамкорлик қилганликларини алоҳида таъкидлаб ўтишди.

Шунингдек, «Реал» Винисиусни қўллаб-қувватлагани учун бутун дунё ҳамжамиятига миннатдорчилик билдирди. Клуб спортда ва жамиятда ирқчилик ҳамда бошқа салбий иллатларни йўқ қилиш устида ишлашда давом этишини қайд этди.