«Бавария»нинг 18 ёшли футболчиси Леннарт Карл фаолиятининг бошидаги шиддатли юксалиши уни ҳайратда қолдирмаганини тан олди.

Ёш ҳужумкор ярим ҳимоячи жорий мавсумда Мюнхен гранди сафида мунтазам равишда майдонга тушмоқда. 22 февраль куни ушбу чиқаётган юлдуз 18 ёшни қарши олди.

«Баъзида содир бўлаётган воқеалардан ҳайратландим, лекин доимо бунга қодир эканимга ишонганман. Мен тинимсиз меҳнат қилдим. Натижадан жуда мамнунман, бироқ, албатта, ҳали ўсадиган жиҳатларим кўп. Умид қиламанки, келгусида янада кўпроқ гол ураман, голли узатмалар бераман ва қолган барча жабҳаларда ҳам ўсишга эришаман», — деди Карл.

Шанба куни, 28 февраль куни «Бавария» Бундеслигадаги асосий таъқибчиси — Дортмунднинг «Боруссия» клубига қарши сафарда баҳс олиб боради.