МЛС «Интер Майами» юлдузи Лионель Мессини оқлади, деб хабар бермоқда Guardian нашри. Аргентиналик ҳужумчи мунтазам чемпионатнинг биринчи тури доирасидаги «Лос-Анжелес»га қарши ўйинда ҳакамларга босим ўтказганликда айбланаётган эди.
Лионель жамоаси Калифорния клубидан 0:3 ҳисобида йирик мағлубиятга учради. Финал ҳуштагидан сўнг Месси суҳбатлашиш учун ҳакамлар хонасига йўл олган.
Манбанинг таъкидлашича, МЛС комиссияси ушбу вазиятни ўрганиб чиқди ва саккиз карра «Олтин тўп» соҳибининг ҳаракатларида қоидабузарлик топмади. Лига аргентиналик футболчи ҳакамларнинг кийиниш хонасига кирмаганини алоҳида қайд этди.
Навбатдаги учрашувни «Интер Майами» «Орландо Сити»га қарши ўтказади.
