УЕФА «Бенфика» вакилларининг Мадриднинг «Реал» клуби ўйинчиси Федерико Вальверде устидан ёзган шикоятини рад этди. Бу ҳақда COPE нашри хабар бермоқда.
Чемпионлар лигасининг ўтиш босқичи доирасидаги «Реал»га қарши ўйиннинг 82-дақиқасида «Бенфика» ҳимоячиси Самуэль Даль Вальвердедан зарба қабул қилиб олган ва жағини ушлаганча майдонга йиқилган эди. Вальверде содир бўлган воқеа учун ҳеч қандай жазога тортилмади.
Бундан олдин УЕФА Винисиус Жуниорга нисбатан ирқчилик руҳидаги гаплар айтганликда айбланаётган «бургутлар» аъзоси Жанлука Престианни бўйича дастлабки қарорни эълон қилган эди. У «камситувчи хулқ-атвори» учун еврокубокларнинг камида битта ўйинини ўтказиб юборади, якуний жазо эса кейинроқ маълум қилинади.
