Нуфузли Goal портали журналистлари плей-оффнинг саралаш босқичи якунларига кўра Чемпионлар лигаси фаворитлари рейтингини янгилашди.

Рейтингнинг энг юқори поғонасида Лондоннинг "Арсенал" жамоаси қолмоқда. Ваҳоланки, "тўпчилар" ўз тарихида ҳали бирор марта ҳам "қулоқли кубок"ни қўлга киритишмаган. 2006 йилда "Арсенал" финалга қадар етиб борган, бироқ у ерда "Барселона"га 1:2 ҳисобида имкониятни бой берган эди.

Рейтингнинг иккинчи поғонасидан "Бавария" жой олган. Кучли учликка "Манчестер Сити" кўтарилиб олди. Кейинги ўринларда жамоалар қуйидаги тартибда жойлашган: "Ливерпуль", "ПСЖ", "Барселона", "Реал", "Челси", "Атлетико", "Спортинг", "Ньюкасл", "Аталанта", "Будё-Глимт", "Тоттенхэм", "Галатасарой" ва "Байер".

Ўтган мавсумда Чемпионлар лигасида "ПСЖ" жамоаси ғолиб чиққан эди.