УЕФА Чемпионлар лигаси доирасидаги "Галатасарой"га қарши ўйинда (3:2) "Ювентус" ҳимоячиси Ллойд Келлининг майдондан четлатилиши сабабини асослаб берди.
Ўйиннинг 49-дақиқасида Келли ҳаводаги тўп учун курашда мувозанатини йўқотиб, ярим ҳимоячи Бариш Йилмазнинг оёғининг орқа қисмини бутсасининг тишлари билан босиб олди.
Ҳакам Жоау Педру Пиньейру дастлаб инглиз футболчисига иккинчи сариқ карточкани кўрсатиб, уни майдондан чиқариб юборган эди. Бироқ VAR ҳаками Пиньейруни такрорий лавҳани кўришга таклиф қилди ва шундан сўнг португалиялик ҳакам Келлига тўғридан-тўғри қизил карточка кўрсатди.
"Ювентус"нинг 6-рақамли ўйинчиси бутса тишларидан фойдаланган ҳолда рақибнинг чап тўпиқ қисмига кучли ва спортга зид бўлган зарба берди, бу эса рақиб хавфсизлигига очиқчасига таҳдид солди", — дейилади УЕФА расмий сайтида эълон қилинган хабарда.
